ભરુચનાં હલદરવ ગામની સીમમાં ગુજરાત એનર્જી ટ્રાન્સમિશન કોર્પોરેશન લિમિટેડનું સબ સ્ટેશન આવેલું છે જ્યાં સબ સ્ટેશનના કમ્પાઉન્ડમાં આઇસો લેટર સહિતનો સામાન મૂકવામાં આવ્યો હતો. જોકે, ગત તા.27મી ઓગસ્ટથી તા.4 ઓકટોબર સુધીમાં અજાણ્યા તસ્કરો ત્રાટક્યા હતા અને કમ્પાઉન્ડમાં રહેલ આઇસો લેટર સહિતના સામાન માંથી 33.30 લાખથી વધુના મુદ્દામાલની ચોરી કરી ફરાર થઈ ગયા હતા. બનાવ અંગે જીઈબીના જુનિયર એંજિનિયર વર્ષાબેન સુરેન્દ્રસિંહ વાસદીયાને સામાન ઓછો જણાતા તેઓને ચોરી થઈ હોવાનું માલૂમ પડતાં તેઓએ ચોરી અંગે નબીપુર પોલીસ મથક ખાતે ફરિયાદ નોંધાવતા પોલીસે વધુ તપાસ હાથ ધરી હતી.