ભરૂચ પોલીસ સ્ટાફના માણસો માણસો પેટ્રોલિંગમાં હતા તે સમયે બાતમી મળી હતી કે, શહેરના રોટરી કલબ પાછળ આવેલા મારવાડી ટેકરા પર રહેતા કુખ્યાત બુટેલગર હનીફ ઉર્ફે હન્નુ મહેમુદ દીવાનના મકાનમાં અને કારમાં વિદેશી દારૂનો જથ્થો ભરેલો છે. જે બાતમીના આધારે તપાસ કરતા પોલીસને હનીફ ઉર્ફે હન્નુ મહેમુદ દીવાનના મકાન માંથી વિદેશી દારૂ અને બિયરની 1243 બોટલો મળી આવી હતી જેની કીંમત રૂપિયા 3,03,960/- અને કારની કિંમત રૂપિયા 3 લાખ અને મોબાઈલ મળીને કુલ રૂપિયા 6,04,460/-નો મુદ્દામાલ કબ્જે કર્યો હતો. જોકે પોલીસે સ્થળ પર હાજર આરોપી રાજેન્દ્ર હીરાભાઈ મિસ્ત્રીની અટકાયત કરીને કાયદેસરની કાર્યવાહી કરી હતી.