ભરૂચનાં અંકલેશ્વર તાલુકાના જીતાલી ગામની નવી નગરીમાં અજાણ્યા તસ્કરોએ એક મકાનને નિશાન બનાવી સોના-ચાંદીના ઘરેણાં અને રોકડા રૂપિયા 26 હજાર મળી કુલ 2.30 લાખથી ચોરી કરી ફરાર થઈ ગયા હતા.

સુત્રો પાસેથી મળતી માહિતી અનુસાર, અંકલેશ્વરનાં સેંગપૂર રોડ ઉપર આવેલા જીતાલી ગામની નવી નગરીમાં રહેતી ઉજમબેન દીપસિંગ વસાવા જે ગતરોજ પોતાના ઘરે હતી. તે દરમિયાન ફળિયા રહેતા એક બાળકને પોતાના ઘરે રમવા માટે લઈ આવ્યાં હતા અને બાળકને તેના ઘરે મૂકવા ગયા હતા. તે દરમિયાન અજાણ્યા તસ્કરોએ તેઓના મકાનને નિશાન બનાવી મુખ્ય દરવાજો ખોલી ઘરમાં પ્રવેશ કર્યો હતો અને મકાનમાં રહેલા સોના-ચાંદીના ઘરેણાં અને રોકડા રૂપિયા 26 હજાર મળી કુલ 2.30 લાખના મુદ્દામાલની ચોરી કરી ફરાર થઈ ગયા હતા. બનાવ અંગે ચોરીની ઘટના અંગે અંકલેશ્વર પોલીસે  ગુનો નોંધી આગળની વધુ તપાસ હાથ ધરી હતી.