ભરૂચ શહેરનાં કસક વિસ્તારમાં આવેલ આનંદ કોમ્પલેક્ષનાં બીજા માળે વિહિતા કેમની ઓફિસમાં એસીમાં શોર્ટ સર્કીટને પગલે આગ લાગતા તમામ દસ્તાવેજો બળીને ખાખ થઇ ગયા હતા. મળતી માહિતી અનુસાર, ભરૂચનાં હાર્દ સમાન કસક વિસ્તારમાં આનંદ કોમ્પલેક્ષ આવેલ છે જે કોમ્પ્લેક્ષનાં બીજા માળે વિહિતા કેમની ઓફિસમાં ગતરોજ રાતે આગ ભભૂકી ઉઠી હતી. જોકે આગને પગલે સ્થાનિકોમાં નાસ ભાગ મચી જવા પામી હતી.

જોકી આ આગની ઘટના અંગે સ્થાનિકોએ ભરૂચ નગરપાલિકા ફાયર-વિભાગને જાણ કરતા ફાયર ફાયટરો સ્થળ પર દોડી આવ્યા હતા અને પાણીનો મારો ચલાવી ગણતરીના કલાકમાં કાબુ મેળવ્યો હતો. આગની ઘટનામાં કોઈને પણ જાનહાની નહિ થતા સૌ કોઈએ રાહતનો શ્વાસ લીધો હતો આગને કારણે ઓફિસમાં રહેલ તમામ દસ્તાવેજો બળીને ખાખ થઇ ગયા હતા. જયારે શોર્ટ સર્કીટને કારણે આગ લાગી હોવાનું અનુમાન સેવાઈ રહ્યું છે.