અંકલેશ્વર નગરપાલિકા દ્વારા લાખોના ખર્ચે ખરીદી કરેલું વોક્યુમ મશીન ધૂળખાતા નજરે પડતાં તેનો વપરાશ કરવામાં આવે તેવી નગર સેવક દ્વારા માંગ કરવામાં આવી છે. અંકલેશ્વર શહેરના વિવિધ રાજમાર્ગો પર ઊડતી ધૂળને પગલે લોકો હેરાન પરેશાન થઈ ગયા છે. આ ધૂળ સાફ કરવા માટે પાલિકા તંત્ર દ્વારા લાખોના ખર્ચે વોક્યુમ મશીનની ખરીદી કરવામાં આવી હતી, પરંતુ હાલ આ મશીન વણ વપરાયેલુ જોવા મળી રહ્યું છે. નગર પાલિકાની પાણીની ટાંકી ખાતે આ વોક્યુમ મશીન ધૂળખાતું નજરે પડ્યું હતું. ત્યારે લાખો ખર્ચે ખરીદી કરેલા વોક્યુમ મશીનનો ઉપયોગ નહીં થતાં વહેલી તકે તંત્ર દ્વારા લોકોના સ્વાસ્થયને ધ્યાનમાં રાખી ઊડતી ધૂળની સાફ-સફાઈ કરાવે તેવી માંગ ઉઠવા પામી છે.