ઉમલ્લા પોલીસ સ્ટેશન માંથી મળતી માહિતી મુજબ, રાજપીપળાનો રહીશ હિતેશભાઈ વસાવા જે ભરૂચ પોલીસ હેડક્વાર્ટર ખાતે ફરજ બજાવતા હતા અને ગતરોજ સવારના સમયે હિતેશભાઈ પોતાની મોટરસાયકલ લઇને રાજપીપળાથી ભરૂચ પોતાની ફરજ પર નીકળ્યા હતા. તે દરમિયાન ઝઘડીયા તાલુકાના ઉમલ્લા ગામ પાસે ધોરીમાર્ગ પરથી પસાર થઇ રહતા હતા તે સમયે ઉમલ્લા તરફથી રોંગ સાઇડે આવતી એક બાઇક ચાલકે પોલીસ કર્મીની બાઇક સાથે ધડાકાભેર અથડાવી દેતા અકસ્માત સર્જાયો હતો. જોકે, અકસ્માતમાં ગંભીર ઇજાઓ પહોંચતા ઉમલ્લા અને ત્યારબાદ રાજપીપળા લઇ જવાયા હતા  જ્યાં ઇજાગ્રસ્ત પોલીસ કર્મીને માથામાં વધુ ઇજા થઈ હતી જેથી તેમને વધુ સારવાર માટે વડોદરા સયાજી હોસ્પિટલમાં ખસેડવામાં આવ્યા હતા જ્યાં સારવાર દરમિયાન તેમનું  મોત નીપજ્યું હતુ. બનાવ અંગે ઉમલ્લા પોલીસમાં મથકે ફરિયાદ નોંધાવતા પોલીસે આગળની તપાસ હાથ ધરી હતી.