ભરૂચ એલસીબી પીએસઆઈ વાય.જી.ગઢવી તથા તેમનો સ્ટાફ નેત્રંગ વિસ્તારમાં પેટ્રોલિંગમાં હતા. આ દમિયાન નેત્રંગ લાલ મંટોડી ખાતે એલસીબી ના પોલીસકર્મીઓ વોચ ગોઠવી એક ટ્રક નંબર એમએચ/04/સીયુ/2445ને રોકી તપાસ કરી હતી.

જેમાં ચોર ખાનામાં સંતાડીને લઈ જવાતો ગેર-કાયદેસર ભારતીય બનાવટનો વિદેશી દારૂની 8040 બોટલો મળી આવી હતી જેની કિંમત રૂપિયા 8,04,000/-હતી અને 2 નંગ મોબઈલ, રોકડા 2500/- તથા ટ્રક એમ કુલ મળી રૂપિયા 13,07,500/- નો મુદ્દામાલ પોલીસે કબ્જે કરી આ સાથે સિંહ હરિવંશ ગૌંડ અને શ્યામ સુંદર ગોસ્વામી બંનેની ધરપકડ કરી હતી. જયારે કિરણ સિંહ ઉર્ફે બાબુ હરીશભાઈ માહ્યાવંશી(રહે.કચીગામ) અને વિજય જેનું પૂરું નામઠામ જણાયું નથી તેઓને વોન્ડેટ જાહેર કરી તમામ ઈસમો વિરુદ્ધ ગુનો નોંધી આગળની તપાસ હાથ ધરી હતી.