ભરૂચ એલસીબીની ટીમને મળેલ બાતમીના આધારે, નંદુરબારથી એક ટેમ્પોમાં દારૂનો જથ્થો ભરી ભરૂચમાં ખાલી કરવા આવનાર છે. જે બાતમીના આધારે પોલીસ ટીમે કેબલ સ્ટેઈડ બ્રિજ પાસે વોચ ગોઠવી ટેમ્પોને ત્યાંથી ભગાડતા એલસીબીની ટીમે ટેમ્પો ચાલકનો પીછો કર્યો હતો અને ભારે પોલીસે પીછો કર્યા બાદ વડદલા ગામ પાસે ટેમ્પોને રોકવામાં સફળતા મળી હતી. ત્યારબાદ પોલીસે ટેમ્પો ચાલક દીપક મોવનલાલ મેઘવાલ તેમજ રોકાશ ઈન્દારામ મેઘવાલની ધરપકડ કરી હતી.

પોલીસે ટેમ્પોની તપાસ હાથ ધરતા ટેમ્પોના પાછળની બોડીમાં ચોરખાનું બનાવી તેમાં દારૂનો જથ્થો સંતાડેલ હોવાનું માલુમ પડ્યું હતું. પોલીસે ચોરખાનામાં સંતાડેલ રૂપિયા 2.61 લાખનો દારૂ તેમજ ટેમ્પો અને 2 નંગ મોબઈલ મળી કુલ રૂપિયા 5.26 લાખનો મુદ્દામાલ કબ્જે કરી બંને ઈસમો વિરુદ્દ ગુનો નોંધી આગળની કાર્યવાહી હાથ ધરી હતી.