કામરેજ તાલુકાના વાવ ગામે ભાલીવાડામાં રહેતી કરિશ્મા અજય ભાલિયા નામની મહિલા બુટલેગર છેલ્લા ઘણા સમયથી પોતાની મોપેડ બાઈક નં.જીજે/05/એફયુ/2290 પર ભારતીય બનાવટનો વિદેશી દારૂ જોખા ગામથી વાવ ગામ તરફ જતા નહેર વાળા રોડ ઉપર હેરાફેરી કરીને તે દારૂ વેચવાનો ધંધો કરી રહી હોવાની બાતમી કામરેજ પોલીસને મળી હતી.

મળતી માહિતી મુજબ પો.કો.ગુલાબ કરશન, એ.એસ.આઈ. બિપિન રતના, હે.કો. મહેશ, પો.કો.લક્ષ્મણ તથા મહિલા પો.કો.ચેતનાબેન વોચ ગોઠવી હતી. તે દરમિયાન આ મહિલા બુટલેગર ત્યાં પોતાના મોપેડ બાઈક પર દારૂના બોક્સ અને થેલા લઈને આવી પહોચતા પોલીસે તેનો પીછો કરી અટકવાની કોશિષ કરી રહી હતી. પરંતુ મહિલા બુટલેગર કરિશ્મા ભાલિયા મોપેડ પરથી દારૂની બોટલ ભરેલા બોક્સ અને થેલા ફેંકી મોપેડ લઈને ભાગી છુટી હતી. પોલીસે મહારાષ્ટ્ર બનાવટની ભારતીય બનાવટની વિદેશી દારૂની 198 બોટલો કીંમત રૂપિય 23,400/-નો મુદ્દામાલ કબ્જે લઈ પોલીસે ભાગી છુટેલી મહિલા બુટલેગર કરિશ્મા અજય ભાલિયા વિરુદ્દ ગુનો નોંધી તેની ધરપકડ કરવા માટે શોધખોડ શરૂ કરી છે.