બારડોલીથી વ્યારા જતા માર્ગ પર કીકવાડા ગામની સીમમાં અજાણ્યા વાહન ચાલકે ખેત મજુરને અડફેટે લેતા મોત નીપજ્યું હતું.

બારડોલી તાલુકામાંથી પસાર થતા પલસાણા વ્યારા નેશનલ હાઈવે નં-53 ઉપરના બારડોલીથી વ્યારા જતા માર્ગ ઉપરના કીકવાડા ગામની સીમમાંથી મોડી સાંજે પુર ઝડપે અને ગફલત રીતે પસાર તથા કોઈ અજાણ્યા વાહન ચાલકે રસ્તા ઉપર પગપાડા પસાર થતા ખેતમજૂર રાહુલ ડોંગરી(મૂળ.બેહડુન, તા.સુબીર, જી.ડાંગ)ને અડફેટે લેતા ગંભીર ઈજા પહોચતા તેનું ઘટના સ્થળે જ મોત થયું હતું. આ બનાવ અંગે બારડોલી પોલીસે અજાણ્યા વાહન ચાલક વિરુધ ગુનો નોંધી વધુ તપાસ હાથ ધરી છે.