અંકલેશ્વરનાં આંબોલી-બોઈદરા ગામ ખાતે ખેતર ધરાવતા નાગજી પાટણવાડીયા કડકીયાથી આંબોલી-બોઈદરા ગામ તરફ જતા માર્ગ પર ખેતર આવેલું છે. જ્યાં શેરડી કટીંગ કરવા માટે જયંતિ કોટવાલિયા (ઉ.વ.60) તેમજ સાથી મજૂરો આવ્યા હતા અને શેરડી કટીંગ કરી ટ્રકમાં લોડ કરી દીધી હતી.

ત્યારબાદ જયંતીભાઈ રોડ નજીક ખેતર પાસે આરામ કરી રહ્યા હતા તે દરમિયાન ટ્રક ચાલાક કિશોર ગામીતએ ટ્રક રિવર્સ લેતા પાછળ સુતેલા જયંતિ કોટવાલિયા પર ટ્રક ચઢાવી દેતા ગંભીર ઇજા પહોંચતા જયંતીભાઈનું ઘટના સ્થળે મોત નીપજ્યું હતું. બનાવ અંગે મૃતકના પુત્ર આશિષએ પોલીસ મથકે ફરિયાદ નોંધાવતા પોલીસે ટ્રક ચાલાક કિશોર ગામીત વિરુદ્ધ ગુનો નોંધી તેની ધરપકડ કરી કાર્યવાહી હાથ ધરી હતી.