ઉચ્છલ તાલુકાના છાપટી ગામના નિશાળ ફળીયામાં રહેતો અમીરભાઈ લેજાભાઈ વસાવા મુંબઈ થી નીકળતા વરલી મટકા ના ટાઇમ બજાર આંકડા ઉપર ગેરકાયદેસર રીતે બહાર થી ગ્રાહકો બોલાવી પૈસા વતી હારજીતનો જુગાર રમાડતો હોય આજરોજ ઉચ્છલ પોલીસ ની રેઇડમાં ઝડપાઈ ગયો હતો.

પોલીસે તેની પાસેથી જુગારના સાધનો સહિત તેની અંગ ઝડતી દરમિયાન રોકડ રૂપિયા 6,410/- નો મુદ્દામાલ કબજે કર્યો હતો, પોલીસ તપાસમાં મુંબઈ થી નીકળતા વરલી મટકા ના આંકડા ઉપર પૈસા વતી હારજીતનો જુગાર રમાડનાર અનીલભાઈ રહે, વીસરવાડી (મહારાષ્ટ્ર) નો હોવાનો જાણવા મળ્યું હતું.

બનાવ અંગે પોલીસ દાનુભાઈ રણછોડભાઈની ફરિયાદના આધારે આરોપીઓ વિરુધ્ધ ઉચ્છલ પોલીસ મથકે ગુનો દાખલ કરી એક જણાને વોન્ટેડ જાહેર કરવામાં આવ્યો છે.