વ્યારાના માયપુર ગામે આવેલ એસ્સારના પેટ્રોલપંપ પર બાઇક સવાર બે લૂંટારાએ લૂંટ ચલાવતા ચકચાર મચી ગઈ છે. રેઇનકોટ પહેરી કાળા પ્લસર બાઇક પર આવેલા બે લૂંટારુઓએ બંદૂક અને ચપ્પુની અણીએ દીન દહાડે દિલધડક લૂંટ ચલાવી હતી. આ સમગ્ર ઘટનાના સીસીટીવી ફૂટેજ આધારે પોલીસ તપાસ શરૂ કરી હતી જોકે આરોપીઓને ગણતરીના કલાકોમાં સાપુતારામાંથી ઝડપી પાડવામાં આવ્યા હતા.

 

 

 

 

બંને લૂંટારાઓએ પંપના કર્મચારીઓ પાસેથી મોબાઈલ ફોન,પર્સ તેમજ ટેબલના લોકર માંથી રોકડ રકમ મળી કુલ રૂપિયા ૧,૦૦,૪૦૦/- (એક લાખ ચારસો રૂપિયા)ની લૂંટી ચલાવી પ્લસર બાઇક પર પલાયન થઈ ગયા હતા. શનિવારે આશરે સવારે નવ વાગ્યાના અરસામાં લૂંટ થઈ હતી. સમગ્ર લૂંટની ઘટના સીસીટીવીમાં કેદ થઈ હતી,જેના આધારે પોલીસે તપાસ શરૂ કરી હતી.જોકે બંને  આરોપીઓ રાજ્યના બહાર પલાયન થાય તે પહેલાં સાપુતારામાંથી આરોપીઓને ઝડપી પાડવામાં આવ્યા હતા.જેમને આજરોજ કોર્ટમાં રજૂ કરવામાં આવતાં કોર્ટે પાંચ દિવસના રિમાન્ડ મંજુર કર્યા હતા.

 

 

 

 

વ્યારાના માયપુર પાસે પેટ્રોલ પમ્પ લૂંટ કેસમાં ઝડપાયેલા આરોપીઓ (૧) નવપ્રિતસિંગ તરસેમસિંગ ચીના ઉર્ફે મનદીપસિંગ સુરજીતસિંગ જાટ (૨) મોહિત ઉર્ફે મણી વિજયભાઈ શર્મા બંને રહે,અમૃતસર-પંજાબ