ડોલવણના ઘાંગઘર ગામના રોડ ઉપર પડેલ ખાડાના કારણે બાઈક પાછળ બેસેલ મહિલાનું બાઈક પરથી ઉછળી નીચે પટકાવાથી મોત નિપજ્યું હોવાનો બનાવ પોલીસ મથકે નોંધાયો છે.

મળતી માહિતી મુજબ ડોલવણના ઘાંગઘર ગામના કસાડ ફળીયામાં રહેતો હિતેશભાઈ રામુભાઈ કોકણી તા.28મી નવેમ્બર નારોજ બાઈક નંબર જીજે/26/જે/5228 ની પાછળ દાદી રડકીબેનને પણ બેસાડી દુકાને ઘરનો સામાન લેવા માટે જઈ રહ્યો હતો. તે દરમિયાન ઘાંગઘર ગામ કસાડ ફળીયાની સીમમાં આવેલ કોઝ-વે રોડ ઉપર ખાડામાં બાઈક પડી ઉછળતાં પાછળ બેસેલ રડકીબેન બાઈક પરથી નીચે પટકાતા તેમને માથાના પાછળના ભાગે ગંભીર ઇજા પહોંચી હતી જેમને 108ની મદદથી ડોલવણ ખાતે સરકારી દવાખાનામાં પ્રાથમિક સારવાર કરાવી વધુ સારવાર અર્થે જનરલ હોસ્પિટલ-વ્યારા ખાતે લઈ આવતા ટુકી સારવાર દરમિયાન મોત નિપજ્યું હતું. બનાવ અંગે મૃતક મહિલાનો પુત્ર રામુભાઇખાલપાભાઇ કોંકણીની ફરિયાદના આધારે બાઈક ચાલક હિતેશભાઇ રામુભાઇ કોંકણી સામે ડોલવણ પોલીસ મથકે ગુનો દાખલ કરવામાં આવ્યો હતો.