નવસારીના મરોલી ગામના હળપતિવાસમાં જમવા બાબતની સામાન્ય તકરારમાં એક યુવકની લાકડાના ફટકા મારી હત્યા કરવાના બનાવથી ચકચાર મચી ગઈ હતી. સુત્રો પાસેથી મળતી માહિતી મુજબ, અજય વસંતભાઇ રાઠોડ (ઉ.વ.35.,રહે. હળપતિવાસ, મરોલીગામ, જલાલપોર, જિ.નવસારી)નાંઓ ગતરોજ પોતાના ફળિયામાં હતો તે વખતે ઘર નજીક રહેતા સુભાષ જીવરામ રાઠોડ (ઉ.વ.40)નાએ તેની સાથે જમવા બાબતે બોલાચાલી કરી હતી. આ ઝઘડો ઉગ્ર બનતા ઉશ્કેરાયેલા સુભાષ રાઠોડે લાકડાનો ફટકો લાવી અજયભાઇને મોઢાના ભાગે ઉપરાછાપરી ઘા ઝીંકતા ગંભીર ઈજા પામેલા તેમનું મોત નિપજ્યું હતું. બનાવ અંગે સંગીતાબેન રાઠોડે મરોલી પોલીસ સ્ટેશનમાં ફરિયાદ નોંધાવતા પોલીસે હત્યાનો ગુનો દાખલ કરી હત્યારો સુભાષ રાઠોડની ધરપકડ કરી કાયદેસરની કાર્યવાહી હાથ ધરી હતી.