નર્મદા જિલ્લાના નાદોદ તાલુકાના પોઇચા ખાતે રહેતો એક યુવક તારીખ 23 સપ્ટેમ્બર 2023ના રોજ પોતાના ઘરેથી ફોર્ચ્યુનર ગાડી લઈ પાસપોર્ટ કઢાવવા જાવ છું એમ કહી ઘરેથી નીકળ્યા બાદ યુવકનો પત્તો ના લાગતા તેના પિતાએ પુત્ર ગુમ થયા અંગે રાજપીપળા પોલીસ મથકમાં જાણ કરી છે.

મળતી માહિતી મુજબ નર્મદા જિલ્લાના નાદોદ તાલુકાના પોઇચા ગામના ડેરીવાળું ફળિયામાં રહેતો ભદ્રેશભાઈ ઉર્ફે રોની દિનેશભાઈ બારીયા (ઉ.વ.37) તા.23 બપોરના આશરે 1 વાગ્યે પોતાના ઘરેથી રાજપીપલા ખાતે પાસપોર્ટ કઢાવવા માટે જાઉ છું તેમ કહી ફરચુનલ ફોરવ્હિલ ગાડી લઈને નીકળી પાછો નહીં ફરતા અને આ યુવકનો મોબાઈલ પણ બંધ આવતો હોય. તેના પરિવારજનો ચિંતામાં પડી ગયા હતા. યુવકના પિતાએ તેના ગુમ થવા અંગે રાજપીપળા પોલીસ મથકમાં જાણ કરી હતી. આ બનાવ અંગે પોલીસ તપાસ હાથ ધરી છે અને આ યુવાનનો મોબાઇલ લોકેશન ટ્રેક કરી તેની શોધખોળ હાથ ધરી છે.