ઉતરાયણ પર્વની શરૂઆત થતા જ લોકો વહેલી સવારથી ધાબા પર પંતગ ઉડાવવા માટે ચડી ગયા હતા. બીજી તરફ પવન પણ પંતગ રસીકોનો સાથ આપી રહ્યો હતો. ત્યારે આ વચ્ચે વ્યારા માંથી એક ચોંકાવનારા સમાચાર સામે આવ્યા છે. જેમાં પતંગની દોરીથી વાહન ચાલકનું ગળું કપાયાની ઘટના સામે આવી છે અને વાહન ચાલક ગંભીર રીતે ઘાયલ થયો હતો. તેને તાત્કાલિક ધોરણે સારવાર અર્થે જનક હોસ્પિટલમાં ખસેડવામાં આવ્યો હતો.

વ્યારાના કણજા ફાટક પાસેના વિસ્તારમાં નરેન્દ્રભાઈ એન.ગામીત રહે,રામપુરા નજીક,વ્યારાનો યુવાન વાહન લઈને જઈ રહ્યો હતો ત્યારે આ દુર્ઘટના સર્જાઈ હતી. ઉલ્લેખનીય છે કે કપાયેલી દોરી એ જીવલેણ સાબિત થઈ રહી છે. યુવાનને ગળાના ભાગે ચાર ટાકા આવ્યા હોવાનું જાણવા મળ્યું છે.