સોનગઢ ખાતે આવેલ  ચેકપોસ્ટ પાસે પોલીસ ચેકીગ નાકા પાસે એક સાપ નજરે પડતા ત્યાં હાજર પોલીસ કર્મચારી જયેશભાઈ પાટીલે જીવ દયા પ્રેમી રાહુલભાઈ સોનીને કોલ કરીને સ્થળ પર બોલાવ્યો હતો.

કોલ મળતા રાહુલભાઈ સોની તાત્કાલિક સ્થળ પર પહોંચીને જોયું તો એક ઈજાગ્રસ્ત હાલતમાં ચાકરણ નામનો સાપ મળી આવ્યો હતો. પ્રાથમિક સારવાર કર્યા બાદ સાપ ને ફોરેસ્ટ ડિપાર્ટમેન્ટ ને સોંપવામાં આવ્યો હતો. સામાન્ય રીતે અંધશ્રદ્ધાથી પ્રેરાયને ઘણા ચમત્કારિક ઇલાજમાં ચાકરણનો ઉપયોગ કરતાં હોય છે ત્યારે આવા લેભાગુઓની નજરથી બચાવી વનવિભાગને જાણ કરી સલામત સ્થળે છોડવાની કાર્યવાહી હાથ ધરી હતી.