મનિષા સૂર્યવંશી/વ્યારા : સોનગઢ નગરમાં  કોઈ અજાણ્યા વાહન અડફેટે ૬૩ વર્ષીય આધેડનું સારવાર દરમિયાન મોત નિપજ્યું હોવાનો બનાવ પોલીસ મથકે રજીસ્ટર થયો છે.

મળતી માહિતી અનુસાર સોનગઢનગરમાં આવેલ  જેકે પેપર  ગેટ સામે નેશનલ હાઇવે નંબર-૫૩ના પુલિયા નીચે રોડ પર ગતમોડી રાત્રે કોઈ એક અજાણ્યા વાહન ચાલકે પોતાના ક્બ્જાનું વાહન પુરઝડપે અને ગફલતભરી રીતે હંકારી લઇ રવજીભાઈ ઉબડાભાઈ ચૌધરી (ઉ.વ.૬૩) રહે,વડગામ ડુંગરી ફળિયું તા.માંગરોળ નાને અડફેટમાં લેતા રવજીભાઈને શરીરે ગંભીર ઈજાઓ પહોંચતા ૧૦૮ની મદદથી સારવાર માટે ખસેડવામાં આવ્યો હતો, જોકે ટુકી સારવાર દરમિયાન રવજીભાઈનું મોત નિપજ્યું હતું, બનાવ અંગે અશ્વિનભાઈ રવજીભાઈ ચૌધરીની ફરિયાદના સોનગઢ પોલીસ દ્વારા અજાણ્યા વાહન ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી હતી.