મનિષા એસ. સુર્યવંશી/તાપી : સોનગઢ નગરનાં શિવાજી નગરમાંથી વગર પાસ પરમિટે વિદેશી દારૂનું વેચાણ કરતી લિસ્ટેડ બુટલેગર મહિલાને ઝડપી પાડી હતી. મળતી માહિતી મુજબ, સોનગઢ પોલીસ સ્ટેશનનાં ટાઉન વિસ્તારમાં પ્રોહી. પેટ્રોલીગમાં નીકળ્યા હતા. તે દરમિયાન સોનગઢ શિવાજી નગર ફળિયામાં રહેતી લિસ્ટેડ બુટલેગર મહિલા શાંતાબેન સંભાજીભાઈ ગામીતનાં ઘરે રેઈડ કરતા ઘરમાં તથા ઘરની આજુબાજુમાં તપાસ કરતા એક કાપડની થેલીમાં ભારતીય બનાવટની વિદેશી દારૂની બાટલીઓ મળી આવી હતી. બનાવ અંગે પોલીસ કર્મચારીની ફરિયાદના આધારે મહિલા વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી.