વડોદરાનાં મકરપુરા રોડ પર ઝેરોક્ષની એક દુકાનમાં આગનો બનાવ બનતા ફાયર બ્રિગેડની મદદ લેવામાં આવી હતી. બરોડા ડેરી સર્કલ નજીક આવેલા ગોકુળ નગરમાં ગઈ રાતે ઝેરોક્ષની દુકાનમાંથી ધુમાડા નીકળતા ફાયર બ્રિગેડને જાણ કરવામાં આવી હતી. ફાયર બ્રિગેડે તપાસ કરતાં ઝેરોક્ષ મશીનમાં આગ લાગી હોવાનું જણાઈ આવ્યું હતું. ફાયર બ્રિગેડે થોડી જ વારમાં આગ કાબુમાં લીધી હતી. બનાવને પગલે પોલીસ પણ સ્થળ પર દોડી આવી હતી. જ્યારે વીજ કંપનીની ટીમને પણ જાણ કરાઈ હતી. પ્રાથમિક તબક્કે આગનું કારણ શોર્ટસર્કિટ હોવાનું મનાય છે.