વનરાજ પવાર દ્વારા તાપીમિત્ર ન્યુઝ,ડાંગ:આહવા નજીક આવેલ ધવલીદોડ ગામે રહેતા   તુળજીભાઇ સોન્યાભાઇ મહાકાળ ના ઘરમાં અચાનક આગ લાગતા દોડધામ મચી જવા પામી હતી આ બનાવમાં સદનસીબે આગ ના કારણે કોઈ મોટુ નુકશાન કે જાનહાનિ થવા પામી ન હતી.મળતી માહિતી મુજબ તાલુકા મથક આહવા નજીક  આવેલા ધવલીદોડ ગામના સ્કુલ ફળીયામાં રહેતા તુળજીભાઇ સોન્યાભાઇ મહાકાળના પોતાના માલિકા ના ઘર ના છાપરા ના આગળ ના ભાગે મુકેલા ધાસ ના જથ્થા માં આજરોજ બપોર ના સુમારે અચાનક આગ લાગી ભભુકી ઉઠતા ગામમાં અફરાતફરી નો માહોલ સર્જાયો હતો આ આગ ની જવાળા એ જોત જોતામાં વિકરાળ સ્વરૂપ ધારણા કરી લેતા છાપરા પર મુકેલ ઘાસ સહીત નળીયા ના ભાગ ના લાકડા જોત જોતા માં બળી ને ખાખ થઈ જવા પામ્યા હતા.જયારે આ ધટના ની જાણ આજુ બાજુ ના પડોશી અને ગ્રામજનો ને  થતા તાત્કાલીક ધોરણે ગ્રામ જનો ધટના સ્થળે દોડી આવ્યા હતા.નસીબ જોગે આ ઘર ની રસ્તા ની બાજુ માં પાકા મકાનનુ કામ ચાલી રહયુ હતુ જેમાં ઉપયોગ માં લેવાયેલ મોટર દ્વારા પાણી નો ભરપુર પ્રમાણ છંટકાવ કરી ગ્રામજનો  ભારે જહેમત બાદ  આગ પર કાબુ મેળવવા માં સફળ રહયા હતા જયારે આ આગ પર કાબુ મેળવાતા ધર માલિક સહીત આજુબાજુ રહેતા લોકો એ હાશ કારો અનુભવ્યો હતો.આ બનવા માં સદનસીબે કોઈ મોટુ નુકશાન કે જાનહાનિ થવા પામી ન હતી જયારે આ ધર ને આગ કયા કારણો સર લાગી હોવાનુ જાણવા મળેલ ન હતુ.