ઉકાઈ ડેમ ના ઉપરવાસમાં પડેલ વરસાદ ને લઈ ડેમમાં પાણી ની આવક થતા આજરોજ બપોર 3 વાગ્યા સુધી ડેમ ના સત્તાધીશો દ્વારા ડેમ ના 22 દરવાજા પૈકી 10 દરવાજા ખોલી તાપી નદી માં પાણી છોડવામાં આવી રહ્યું છે. સમગ્ર રાજ્ય સહિત દક્ષિણ ગુજરાત માં હવામાન વિભાગ ની આગાહી વચ્ચે પડી રહેલા વરસાદ ને પગલે ઉકાઈ ડેમ માં પાણી ની આવક થતા ડેમ ના સત્તાધીશો દ્વારા ડેમ નું રુલ લેવલ જાળવવા ડેમ ના 22 દરવાજા પૈકી ,7 દરવાજા ચાર ફૂટ અને 3 દરવાજા પાંચ ફૂટ ખોલી કુલ 10 દરવાજા વાટે 93 હજાર ક્યુસેક  પાણી છોડવામાં આવી રહ્યું છે ,જેને લઈ તાપી નદી ની આસપાસ આવેલ ગામો ને એલર્ટ કરવામાં આવ્યા છે સાથે ઉકાઈ ડેમ માંથી પાણી છોડવામાં આવતા સુરત,તાપી,નવસારી સહિતના ખેડૂતો અને લોકોમાં આનંદ છવાઈ ગયો છે. ઉકાઈ ડેમની સપાટી પર એક નજર કરીએ તો આજરોજ બપોરના 3:00 વાગ્યા સુધી ઉકાઈ ડેમની  સપાટી 334.10 ફૂટ પર પહોચી છે.જયારે ડેમમાં પાણી આવક 136773 કયુસેક છે. તેની સામે 93512 કયુસેક જેટલું પાણી તાપી નદીમાં છોડવામાં આવી રહ્યું છે.