વનરાજ પવાર દ્વારા તાપીમિત્ર ન્યુઝ,આહવા:આહવાની ડાંગ સ્વરાજ આશ્રમ અને  બારડોલીના દાતાઓ દ્વારા બે અલગ અલગ આશ્રમ શાળાના વિદ્યાર્થીઓને શિયાળાની ઠંડીમાં ધાબળા વિતરણ કરવામાં આવ્યું હતું.ડાંગ જિલ્લામાં સેવાભાવની પ્રવૃત્તિથી ડાંગ સ્વરાજ આશ્રમ અને બારડોલીના દાતાઓ દ્વારા કાલીબેલ અને વીરથવા આશ્રમશાળા ના વિદ્યાર્થીઓને જાગૃતીબેન છોટુભાઈ નાયક ના અધ્યક્ષ સ્થાને ધાબળા વિતરણ કાર્યક્રમ યોજવામાં આવ્યો હતો.આ કાર્યક્રમમાં આશ્રમ શાળાના બાળકોને મોટી સંખ્યામાં ધાબળા વિતરણ કર્યા હતા જેમાં બારડોલી ના દાતા જગદીશભાઈ ઝવેરભાઈ પટેલ તથા ડાંગ જિલ્લાના સ્થાનિક અગ્રણીઓ વનરાજભાઈ ધીરુભાઇ નાયક  તથા સમાજસેવક પ્રફુલભાઈ નાયક નંદુભાઈ ભદાણે તેમજ આશ્રમ શાળાનો સ્ટાફ અને ગ્રામજનો ઉપસ્થિત રહી વિદ્યાર્થીઓને ઠંડીમાં રાહત મળે એ હેતુથી ધાબળા વિતરણ કરી ડાંગ સ્વરાજ આશ્રમના દાતાઓ દ્વારા માનવતાનું ઉદાહરણ પુરુ પાડ્યું હતું આ કાર્યક્રમને સફળ બનાવવા આશ્રમ શાળાના સ્ટાફે ભારે જહેમત ઉઠાવી હતી.