વનરાજ પવાર દ્વારા તાપીમિત્ર ન્યુઝ,આહવા:આહવા થી ચિંચલી માર્ગ વચ્ચે કોદમાળ ગામના સીમાડે કાર ચાલકે સ્ટેરિંગ પર કાબુ ગુમાવી દેતા કાર ખીણમાં ખાબકી હતી જેમાં 4 પ્રવાસીઓ ગંભીર રીતે ઇજાગ્રસ્ત થતા તેઓને સારવાર અર્થે વલસાડ સિવિલમાં રિફર કરાયા હતા.શનિવાર નારોજ મહારાષ્ટ્ર ના મુંબઇ થી ડાંગ જિલ્લાના પ્રવાસે ફરવા આવેલ પ્રવાસીઓની કાર નંબર MH-03-AZ-9952 કોદમાળ ગામના સીમાડે આવેલ વળાંકમા કાર ચાલકે અચાનક સ્ટેરિંગ ઉપરથી કાબુ ગુમાવતા કાર ખીણમાં પલટી મારી જતા ભારે નુકસાની થઇ હતી.આ  થયેલ અકસ્માતમાં કારમાં  4 પ્રવાસીઓ સવાર હોવાનું જાણવા મળ્યું છે.જેમાં હસીનાબેન મહમદભાઇ,સકીનાબેન મહમદભાઇ,બુરહાનુદીન મહમદભાઇ અને મલિકાબેન બુરહાનુદીન તમામ રહે મિરારોડ(મુંબઇ) ને શરીરના ભાગે ગંભીર ઇજા પહોંચતા પ્રથમ ઈમરજન્સી સેવા 108 દ્વારા આહવા સિવિલ હોસ્પિટલ ખાતે ખસેડવામાં આવ્યા હતા ત્યારબાદ વધુ સારવાર અર્થે વલસાડ સિવિલ હોસ્પિટલમાં રિફર કરવામાં આવ્યા હોવાનું જાણવા મળ્યું છે.