વનરાજ પવાર દ્વારા તાપીમિત્ર ન્યુઝ,આહવા:અમદાવાદ થી મહારાષ્ટ્ર પ્રવાસે જનારા પ્રવાસીઓ પોતાના વતને પાછા ફરતા ડાંગ જિલ્લાના સાપૂતારા ધાટ પાસે બપોરના સમયે અમદાવાદની ભગવતી ટ્રાવેલસ બસ નંબર જીજે-૦૧-બીવી-૯૫૪૦ ના ચાલકે લકઝરીબસના સ્ટેરીંગ પરથી કાબુ ગુમાવતા ધાટના વંળાકમાં ઝાડ સાથે અથડાવી દેતા ક્લીનર સાઇટે બેસેલા પ્રવાસી પૈકી (૧) ભુર્યો ઉર્ફ રાકેશભાઈ ધનજીભાઇ ચુનારા (૨)મયુરભાઇ અનિલભાઈ પરમાર નું ઘટના સ્થળ ઉપર જ મોત નિપજ્યા હતા.અકસ્માત અંગેની જાણ ઇમરજન્સી સેવા ૧૦૮ની મદદથી ઇજાગ્રસ્તો ને સી.એચ.સી શામગાહન ખાતે સારવાર માટે ખસેડવામાં આવ્યા હતા.જેમા આશરે દશ જેટલા પ્રવાસીઓને ગંભીર ઇજાઓ થઇ હોવાનુ જાણવા મળ્યું છે બાદ પોલીસે ઘટના સ્થળ પર પહોંચી ગૂ.ર.નં.૨૮/૨૦૧૮ ઇપીકો કલમ ૨૭૯,૩૩૭,૩૩૮,૩૦૪(અ)તથા એમ.વી. એક્ટ કલમ ૧૭૭,૧૮૪ મુજબ કાયદેસરની કાર્યવાહી હાથ ધરી હતી.