વનરાજ પવાર દ્વારા તાપીમિત્ર ન્યુઝ,આહવા:ડાંગ જિલ્લાના મુખ્ય મંથક આહવા ખાતે ડાંગ સ્વરાજ આશ્રમ શાળાના સ્મૃતિ કુંજ પ્રાથના હોલમાં ડાંગ ભાજપા પાર્ટીએ જનનાયક બિરસા મુંડા ૧૪૩મી જન્મ જયંતીની ઉજવણી કરી હતી.ભારત દેશના પ્રથમ શ્રેણીનાં આદીવાસી સ્વાતંત્ર્ય સેનાનીઓ પૈકીના એક એવા તેમજ "ધરતી બાબા"નાં હુલામણા નામથી ઓળખાતા આદીવાસી સમાજનાં ગૌરવ એવા "બિરસા મુંડાની ૧૪૩ મી જન્મ જયંતીની ઉજવણી ડાંગ ભાજપા દ્વારા કરવામાં આવી જેમા ડાંગ જિલ્લા ભાજપા પાર્ટીના પ્રમુખ બાબુરાવભાઇએ જનનાયક બિરસા મુંડા ધરતીના આંબા અને સામાજીક ક્રાંતિના પથ દર્શક બિરસા મુંડાની ૧૪૩મી જન્મ જયંતી પ્રસંગે કોટી કોટી વંદન કર્યા હતા.જે કાર્યક્રમમાં આદીવાસી મોરચાના ડિરેક્ટર અર્જુનભાઇ ચૌધરી,ડાંગ જિલ્લા ભાજપ મહામંત્રી દશરથભાઇ પવાર અને આદિજાતિ મોરચાના પ્રમુખ તેમજ કાર્યકર્તાઓ મોટી સંખ્યામાં હાજર રહી ભગવાન બિરસા મુંડા જન્મદિવસની ઉજવણી કરવામાં આવી હતી.