વનરાજ પવાર દ્વારા તાપીમિત્ર ન્યુઝ,આહવા:ડાંગ જિલ્લાના પ્રકૃતિના ગોદમાં આવેલા પૌરાણિક સ્થળ કળંબ ડુંગર ઉપર દિવાળીના નવા વર્ષ નિમિત્તે રંગેચંગે ઉજવણી કરવામાં આવી ડાંગ જિલ્લાના પ્રકૃતિના ગોદમાં આવેલા પૌરાણિક સ્થળ કળંબ ડુંગર ઉપર દિવાળીના નવા વર્ષ નિમિત્તે રંગેચંગે ઉજવણી કરવામાં આવી હતી. લીલીછમ વનરાજી અને ડુંગરાળ વિસ્તારમાં આવેલ પૌરાણિક સ્થળ કળંબ ડુંગર પર દર વર્ષની જેમ ચાલુ વર્ષે પણ નૂતન વર્ષનું આદિવાસી પરંપરાગત રીતે ઉજવણી કરવામાં આવી હતી. જેમાં ડાંગ પંથકના આદિવાસીઓ ઉપરાંત પડોશી રાજ્યોના અસંખ્ય ભાવિક ભક્તોએ કળંબડુંગર પર નિવાસી માવલીના દર્શન કરી એકબીજાને નવા વર્ષની શુભેચ્છા આપી હતી.આ પ્રસંગે આદિવાસી ઓ સ્વયંભૂ પોતપોતાની સંસ્કૃતિનું સંગીત વાદ્ય લઈ પાવરી વાદન, કહાડયા નૃત્ય, ઠાકરે નૃત્યની રાતભર રમઝટ બાદ પરોઢે ડુંગરની ઓથમાં બિરાજેલ માવલી માતાના દર્શન-પુજાવિધિ કર્યા બાદ ઉપસ્થિત આદિવાસીબંધુઓ એકબીજાને નૂતન વર્ષની શુભેચ્છા આપી આખુ વર્ષ મંગલમય પસાર થાય તેની કામના કરે છે..