વનરાજ પવાર દ્વારા તાપીમિત્ર ન્યુઝ,આહવા:આહવા વઘઇ મુખ્ય માર્ગ પર આવેલ ઘોઘલી નજીક વળાકમાં ભયંકર અકસ્માત નડતા એકનું શખ્સનું ઘટના સ્થળ પર જ કમકમાટીભર્યુ મોત નીપજ્યું હતું,બાઇક સ્પ્લેડર પ્લસ નંબર જીજે-૩૦-સી-૧૪૬૭ ને કોઈ અંજાણ્યાં વાહન ચાલકે અડફેટે લેતા એક વ્યક્તિનું ઘટના સ્થળે મોત નીપજ્યું હતું.જ્યારે બીજી વ્યક્તિને ગંભીર ઇજા પહોંચતા ઇમરજન્સી સેવા ૧૦૮ ની મદદથી સારવાર અર્થે આહવા સિવિલ હોસ્પિટલમાં ખસેડવામાં આવ્યો હતો.અકસ્માતમાં ઘવાયેલા બે વ્યક્તિઓ પૈકી શાંતારામભાઈ રહે,વઘઇ નાઓ ઘટના સ્થળ પર જ મોતને ભેટ્યા હતા.જ્યારે પપુભાઈ રહે,ચિચીનાગાવઠા ને ઇજા પહોંચતા સારવાર અર્થે ખસેડવામાં આવ્યા હતા.વધુમાં અકસ્માતની જાણ થતા આહવા પોલિસ ગણતરીના સમયમાં ઘટના સ્થળે પહોંચી જઈ ઇજા પામેલ વ્યક્તિને સારવાર માટે ૧૦૮ની મદદ લઇ ઉત્તમ સેવાનું ઉદાહરણ પૂરું કર્યું છે વધુ તપાસ માટે આહવા પોલિસે કાર્યવાહી હાથ ધરી છે.