થર્ટી ફસ્ટ ઉજવવા માટે સંઘ-પ્રદેશ દમણ અને સેલવાસથી ગુજરાતમાં દારૂ ઘુસાડવા માટે લોકો અનેક પ્રકારો અપનાવી રહ્યા છે જોકે વલસાડ જીલ્લા પોલીસે ઠેર ઠેર તમામ ચેક-પોસ્ટ ઉપર કડક નાકાબંધી કરી દેતા તેઓ દારૂ ઘુસાડવામાં નિષ્ફળ સાબિત થઈ રહ્યા છે. આવો જ એક બનાવ પાતલિયા ચેક પોસ્ટ પર બન્યો હતો. દમણ તરફથી આવતી એક વાનને અટકાવી અંદર ચકાસણી કરતા દારૂની ૧૦૫ બોટલો મળી આવી હતી જેની કીંમત રૂપિયા ૩૪,૮૦૦/- હતી. પોલીસે વાહન ચેકિંગ કરતા ચાલક સહીત 8 લોકોની ધરપકડ કર હતી.

વાહન ચાલક અનીલકુમાર સાથે 7 કિન્નરો દારૂ લઈ સુરતમાં થર્ટી ફસ્ટ ઉજવવા જઈ રહ્યા હતા. પોલીસના પુછપરછ બાદ આરોપીઓ એ કબુલ્યું હતું કે તેઓ એ દમણના અલગ-અલગ વાઈન શોપથી દારૂ લાવ્યા હોવાની કબુલાત કરી પોલીસે વધુ તપાસ હાથ ધરી છે.