તાપીમિત્ર ન્યુઝ,વ્યારા:આગામી તા. ૨૧મી, ફેબ્રુઆરીના રોજ તાપી જિલ્લાની ઉચ્છલ તાલુકાની ૧૮-મોહિની જિલ્લા પંચાયત બેઠકની પેટા ચૂંટણી યોજાશે. જેનો વિગતવાર કાર્યક્રમ નોડલ ઓફિસર સ્થાનિક સ્વરાજયની સંસ્થાઓની ચૂંટણી અને નિવાસી અધિક કલેકટર, તાપી તરફથી જાહેર કરવામાં આવ્યો છે.ઉમેદવારી પત્રો ભરવાની છેલ્લી તારીખ ૦૮મી, ફેબ્રુઆરી, તા. ૦૯મી, ફેબ્રુઆરીના રોજ ઉમેદવારી પત્રોની ચકાસણી કરવામાં આવશે.તા. ૧૦મી, ફેબ્રુઆરીના રોજ ઉમેદવારી પરત ખેંચી શકાશે. આ પેટા ચૂંટણીનું મતદાન તા. ૨૧/૦૨/૨૦૧૮ના રોજ યોજાશે. જો પુન: મતદાન યોજવાનું થાય તો ૨૨/૦૨/૨૦૧૮ના રોજ અને મતગણતરી તા. ૨૩/૦૨/૨૦૧૮ના રોજ યોજાશે એમ નોડલ ઓફિસર સ્થાનિક સ્વરાજયની સંસ્થાઓની ચૂંટણી અને નિવાસી અધિક કલેકટર, તાપી તરફથી જણાવાયું છે.