સોનગઢના સરજાંબલી ગામના ચર્ચ ફળીયામાં રહેતો ૪૮ વર્ષીય જાલમસિંગભાઈ ચામડીયાભાઈ વસાવા ગત મોડીરાત્રીના અરસામાં પોતાના ખેતરમાં બનાવેલ ઘરની બહાર ખાટલો નાંખી પથારીમાં સુતા હતા તે દરમિયાન કોઈ અગમ્ય કારણસર અચાનક જાલમસિંગભાઈને લોહીની ઉલટીઓ થવા લગતા ઉલટી કરતા કરતા તેઓ તેમના ખેતરમાં જતા રહ્યા હતા. લોહીની ઉલટીઓ થવાના કારણે જાલમસિંગભાઈ વસાવાનું મોત નિપજ્યું હતું. બનાવ અને મૃતકની પત્ની સુરેખાબેન વસાવાની ફરિયાદના આધારે સોનગઢ પોલીસે અકસ્માત મોત બનાવ દાખલ કરી કાયદેસરની કાર્યવાહી હાથ ધરી હતી.