તાપીમિત્ર ન્યુઝ,રાજપીપળા:તિલકવાડાના પીંછીપુરા ગામના બે યુવકો નદીમાં સ્નાન કરવા હતા.જ્યાં મગરે હુમલો કરતા એક યુવક નું મોત થયું હતું.બનાવના પગલે પંથકમાં ફફડાટ પ્રસરી જવા પામ્યો છે. નર્મદા જિલ્લામાં તિલકવાડાના પીંછીપુરા ગામે રહેતો અર્જુન પરસોત્તમ તડવી ગત તારીખ 6 જુલાઈ ના રોજ સાંજે મજૂરી કામ કરી ઘરે આવ્યા બાદ સાંજે લઘભગ છ વાગ્યા એના મિત્ર રજુ કાળુ તડવી સાથે ગામ પાસે આવેલી અશ્વિની નદીમાં સ્નાન કરવા ગયો હતો ત્યારે ત્યાં બંને મિત્રો સ્નાન કરતા હતા ત્યાંજ નદીના પાણીમાં ખોરાકની શોધમાં છુપાયેલો એક મગર અચાનક ત્યાં આવી તરાપ મારી અર્જુન તડવીને પકડી પાણીમાં ખેંચી ગયો અને અંદર એને છાતીમાં તથા માથાના ભાગે બચકા ભરી ગંભીર રીતે ઘાયલ કરતા અર્જુન તડવી (ઉ.વ.30) નું મોત નીપજ્યું હતું.ઘટના અંગે ગામમાં વાયુવેગે વાત ફેલાતા નદીએ નાહવા જતા લોકોમાં ભારે ફફડાટ ફેલાયેલો જોવા મળ્યો હતો આ બાબતે જાણ થતાંજ તિલકવાડા પોલીસે અ.મોત રજીસ્ટર વધુ તપાસ હાથ ધરી છે.(સાંકેતિક તસ્વીર)