તાપીમિત્ર ન્યુઝ,વ્યારા:તાપી જિલ્લાભરમાં વિશ્વકર્મા જ્યંતી મહોત્સવની ઉત્સાહભેર ઉજવણી કરવામાં આવી હતી,જેમાં વ્યારા ખાતે આવેલ વિશ્વકર્મા મંદિરે પંચાલ સમાજ તેમજ વિશ્વકર્મા બંધુઓ  દ્વારા તા.૨૯-૧-૨૦૧૮ સોમવારના રોજ વિશ્વકર્મા જ્યંતી મહોત્સવની ઉજવણી કરવામાં આવી હતી.મહોત્સવનું ભવ્ય આયોજન વ્યારા ખાતે આવેલ વિશ્વકર્મા ભગવાન મંદિરે કરવામાં આવ્યું હતું.

       જેમાં સવારે ૫.૦૦ વાગ્યે થી ૭:૦૦ વાગ્યા સુધી પ્રભાતફેરી,સવારે ૭:૩૦ કલાકે મહાપૂજા,૧૦:૩૦ કલાકે શોભાયાત્રા,સવારે ૧૧:૦૦ કલાકે અન્નકુટના દર્શન,૧૧:૩૦ કલાકે અંબાજી હોલ વ્યારા ખાતે મહાપ્રસાદ નું આયોજન કરવામાં આવ્યું હતું.આ કાર્યક્રમમાં પંચાલ,સુથાર સહિત સમાજના આગેવાનો,સભ્યો અને વિશ્વ કર્મા  બંધુઓ મોટી સંખ્યામાં ઉપસ્થિત રહી દર્શનનો લાભ લીધો હતો.