વ્યારાની દેવર્ષી નગર સોસાયટી મકાન નંબર 124-127 રાજસ્થાન માર્બલની બાજુમાં રહેતા પુરણમલ મગતુંરામ અગ્રવાલ (ઉ.વ.85) નાઓ ગતરોજ રાત્રે 9 ક્લાક ના અરસામાં ટ્રેકિંગ સાયકલ માર્ટની દુકાન સામે ચાલવા માટે નીકળ્યા હતા.

તે વેળાએ એક મોટર સાયકલ નંબર જીજે/26/એચ/8075 ના ચાલકે પોતાના કબજાની મોટર સાઇકલ પૂર ઝડપે અને ગફલત ભરી રીતે હંકારી લાવી પુરણમલ અગ્રવાલ ને અડફેટે લેતા તેઓને માથાના ભાગે ગંભીર ઇજાઓ પંહોચી હતી જેમને તાત્કાલિક નજદીકની હોસ્પિટલમાં સારવાર અર્થે ખસેડવામાં આવ્યા હતા જોકે, ટૂકી સારવાર બાદ તેમનું મોત નીપજયું હતું,

બનાવ અંગે મુકેશભાઈ પુરણમલ અગ્રવાલ ની ફરિયાદના આધારે કાકરાપાર પોલીસ મથકે ફરાર અજાણ્યા બાઇક ચાલક વિરુધ્ધ ગુનો દાખલ કરી આગળની વધુ તપાસ હાથ ધરવામાં આવી છે.