સોનગઢ તાલુકાના જૂની બાવલી ગામમાં રહેતો 22 વર્ષીય જગદીશકુમાર રૂસ્તમભાઈ વસાવા આજરોજ પોતાની ktm મોટર સાયકલ નંબર જીજે/26/ક્યું/5795 ઉપર મિત્ર અલ્કેશભાઈ વસાવા સાથે નીકળ્યા હતા.

તે દરમિયાન બાવલી ગામની સીમમાં આવેલ હનુમાનજીના મંદિરના વળાંક પાસે ktm બાઈક ઝાડ સાથે અથડાતા બાઈક ચાલક જગદીશકુમાર વસાવા ને માથા અને કપાળના ભાગે ગંભીર ઈજા પહોચવાના કારણે મોત નીપજ્યું હતું. જયારે તેમની સાથે પાછળ બેસેલ અલ્કેશભાઈ વસાવાને માથાના ભાગે ગંભીર ઈજા પહોચવાના કારણે પ્રથમ સારવાર સોનગઢ અને ત્યારબાદ વ્યારાની હોસ્પિટલમાં લઇ જવામાં આવ્યા ત્યાંથી વધુ સારવાર માટે સુરતની હોસ્પિટલમાં રીફર કરવામાં આવ્યો હોવાનું જાણવા મળ્યું છે,

બનાવ અંગે મેહુલભાઈ રૂસ્તમભાઈ વસાવા રહે, જૂની બાવલી ગામ તા.સોનગઢ નાઓની ફરિયાદના આધારે સોનગઢ પોલીસ મથકે બનાવ દાખલ કરી આગળની વધુ તપાસ એએસઆઈ કાર્તિકભાઈ ઈશ્વરભાઈ કરી રહ્યા છે.