ઉચ્છલ તાલુકાના સાકરદા બ્રીજ  નીચે વાહન ચેકિંગ દરમિયાન ઉચ્છલ પોલીસે ઇક્કો ગાડી માંથી રૂપિયા 46,400/-ના ઈંગ્લીશદારૂના મુદ્દામાલ સાથે એક ઇસમને ઝડપી પાડ્યો હતો.

મળતી માહિતી અનુસાર ઉચ્છલ તાલુકાના સાકરદા બ્રીજ નીચે આજરોજ વાહન ચેકિંગ દરમિયાન એક ઇક્કો ગાડી નંબર જીજે/05/જેબી/6197 માં તપાસ કરતા ભારતીય બનાવટનો જુદીજુદી બ્રાંડનો વિદેશીદારૂ ટીચર્સ બ્લેન્ડેડ સ્કોચ વિસ્કી,એબ સ્લુટ વોડકા,રોયલ સ્ટ્રોંગ બેરલ સિલેક્ટ વિસ્કીની બાટલીઓ જેની કિંમત રૂપિયા 46,400/- નો મુદ્દામાલ સાથે ઇક્કી ગાડી ચાલક હેમંતભાઈ ભાસ્કરભાઈ સૂર્યવંશી રહે, હરી નગર-2,ઉધના-સુરત મૂળ રહે, નગાવબારી, ધુલિયા-મહારાષ્ટ્ર નો વાહન ચેકીંગમાં ઝડપાઈ ગયો હતો.

તેની પૂછ પરછમાં દારૂનો જથ્થો એસ.એમ.અગ્રવાલ વાઈન શોપનો મેનેજર નંદુ પાસેથી લઇ આવ્યો હોવાનું જાણવા મળ્યું હતું,બનાવ અંગે હેડકોન્સ્ટેબલ સંદીપભાઈની ફરિયાદના આધારે ઉચ્છલ પોલીસ મથકે ઇક્કો ચાલક હેમંત સૂર્યવંશી વિરુદ્ધ ગુનો દાખલ કરી વાઈન શોપનો મેનેજર નંદુને વોન્ટેડ જાહેર કરી નિયમોનુસારની કાર્યવાહી હાથ ધરવામાં આવી હતી.