કાપોદ્રા સોમનાથ સોસાયટીમાં આવેલા હીરાના કારખાનામાં રાત્રે સુવા માટે આવતો યુવક કારખાનામાંથી હીરા ઘસવાની ઈલેકટ્રીક મોટર સાથે લોખંડની ગોળ ઘંટી મળી કુલ રૂપિયા ૪૫ હજારના મતાની ચોરી કરી ભાગી ગયો હતો.

મૂળ ભાવનગરના સિહોર તાલુકાના  સણોસરા ગામના વતની અને હાલમાં  સરથાણા જકાતનાકા રાજહંસ સુર્યા બિલ્ડિંગ ખાતે રહેતા ૨૩ વર્ષીય હર્ષીલ સુરેશભાઈ ભાયાણી કાપોદ્રામાં સોમનાથ સોસાયટીમાં મકાન નં-૪ના બીજા માળે હીરાનું કારખાનું ધરાવે છે. હર્ષીલભાઈએ તેના કારખાનામાં રાત્રે સુવા માટે તેના વનતના બાજુના ગામના અશ્વીન લવજી ગોળકીયાને રાખ્યો હતો.

તે  દરમિયાન અશ્વીને ગત તા. ૨૪ ઓગસ્ટથી તા.૪ સપ્ટેમ્બરના સમયગાળામાં તકનો લાભ ઉઠાવી કારખાનામાંથી હીરા ઘસવાની ઈલેકટ્રીકટ મોટર સાથે લોખંડની ગોળ ઘંટી નંગ-૫ જેની કિંમત રૂપિયા ૪૫,૦૦૦ના મતાની ચોરી કરી ભાગી ગયો હતો. આ અંગે  હર્ષીલને જાણ થતાં તેમણે કાપોદ્રા પોલીસ મથકમાં નોધાવી હતી. પોલીસે અશ્વીન સામે ગુનો દાખલ કરી તપાસ હાથ ધરી છે.