મધ્યપ્રદેશનાં મુરૈનામાં ગેરકાયદેસર ફટાકડાની ફેક્ટરીમાં વિસ્ફોટ થયો હોવાની ઘટના સામે આવી છે અને આ ઘટનામાં આખી ઈમારત ધ્વસ્ત થઈ ગઈ છે. ઈમારતનાં કાટમાળમાં અડધા ડઝનથી વધારે લોકો દબાયેલા છે. દુર્ઘટનામાં 3 લોકોનાં મોત નીપજ્યા અને 7 લોકો ઈજાગ્રસ્ત થયા છે. મળતી માહિતી મુજબ, મુરૈનાનાં બાનમોર નગરમાં જેતપુર રોડની આ ઘટના છે. અહીં અચાનક ફટાકડાના ગોડાઉનમાં વિસ્ફોટ થઈ ગયો.

ત્યારબાદ આ સમગ્ર ઈમારત ધ્વસ્ત થઈ ગઈ. જોકે ગોડાઉનનાં માલિક બાનમૌર નિવાસી વ્યવસાયી નિર્મલ જૈન છે. આ મકાનમાં ભાડુઆત પણ રહેતા હતા. વિસ્ફોટની માહિતી મળ્યા બાદ પોલીસ વહીવટીતંત્રની ટીમ ઘટના સ્થળે પહોંચી ગઈ છે. વહીવટીતંત્ર સ્થાનિક લોકોની મદદથી કાટમાળમાં દબાયેલા લોકોને બહાર કાઢવાનો પ્રયત્ન કરી રહ્યા છે.