Tapi mitra News;લોકડાઉન-૪ માં હળવા નિયંત્રણો અને છૂંટછાટ સાથે એસટી બસ સેવા ફરી શરૂ કરવાનો આદેશ સરકાર દ્વારા  કરાયો છે. ગાઇડલાઇન મુજબ કન્ટઇનમેન્ટ ઝોન સિવાયના વિસ્તારોમાં એસટી બસ સેવા શરૂ થઇ ગઇ છે. સરકારની માર્ગદર્શિકા મુજબ જિલ્લામાં સવારના ૮ થી સાંજના ૧૮ કલાક સુધી બસનું સંચાલન કરવામાં આવી રહયુ છે. લોકડાઉન -૪માં રાજયના અમદાવાદ અને સુરત સિવાયના તમામ શહેરોમાંથી નિયંત્રણો દૂર કરવામાં આવ્યા છે. જેના ભાગરૂપે નવસારી જિલ્લામાં એસટી સેવાનો નાગરિકો માટે આરંભ કરવામાં આવ્યો છે. તેમજ સોશિયલ ડિસ્ટન્સ જળવાઈ રહે તે રીતે મુસાફરોને પ્રવેશ આપવામાં આવશે. મુસાફરોએ આરોગ્ય વિભાગની માર્ગદર્શિકાનું ચુસ્તપણે પાલન કરવાનું રહેશે. જે મુજબ બસ સ્ટેન્ડ પર માસ્ક પહેરેલ હોય, સેનીટાઇઝ કર્યા  બાદ જ બસ સ્ટેન્ડમાં  પ્રવેશ અપાશે. વધુમાં થર્મલ ગન દ્રારા પણ આરોગ્યની તપાસ કરાશે. કોઇ વ્યક્તિ જો શંકાસ્પદ જણાય તો તરતજ  આરોગ્ય વિભાગને જાણ કરવાનું એસટી વિભાગ દ્રારા જણાવાયું છે.