Tapi mitra News:સુરત જિલ્લાના માંડવી તાલુકામાં વરેઠપેટીયા ગામે રામેશ્વર રોડ ભૂરી કોતરડી ફળિયા ખાતે રહેતા અક્ષય ભૂરાભાઈ રાઠોડ (ઉ.વ.22) નાઓ મંગળવારે રાત્રે પોતાના ઘરે સૂતેલો હતો. અને તેની પત્ની કંચનબેન રાત્રિના નવ વાગ્યે ગામમાં જ રહેતી સુધાબેનના ઘરે ગઈ હતી. બુધવારે મળસ્કે પાંચ વાગે કંચન તેના ઘરે પહોંચી તો અક્ષય ખાટલામાં મૃત હાલતમાં પડેલો હતો. તેના મોંમાંથી ફીણ નીકળતું હતું. અક્ષયના ગળામાં ઇજાના નિશાન મળી આવતા પોલીસે અજાણ્યા ઈસમ વિરુદ્ધ હત્યાનો ગુનો નોંધી આગળની તપાસ હાથ ધરી છે.