તાપીમિત્ર ન્યુઝ,રાજપીપળા:તાજેતરમાં જ પાટીદાર મહાપંચાયતમાં કોંગ્રેસના ધારાસભ્ય વિરજી ઠુમરે ગુજરાત પ્રદેશ ભાજપ પ્રમુખ જીતુ વઘાણીની માતા વિશે અભદ્ર ટિપ્પણી કરી હતી.બાદ સમગ્ર ગુજરાતમાં એના ઘેરા પ્રત્યાઘાતો પડ્યા છે.ઠેર ઠેર ભાજપની મહિલાઓ દ્વારા એનો વિરોધ થઈ રહ્યો છે.રાજપીપળામાં પણ નર્મદા જિલ્લા ભાજપ મહિલા મોરચા દ્વારા વિરજી ઠુમરનો વિરોધ કરાયો હતો. રાજપીપળાના સફેદ ટાવર વિસ્તારમાં નર્મદા ભાજપ મહિલા મોરચા મહામંત્રી મનીષા ગાંધીની આગેવાનીમાં રાષ્ટ્રીય આદિજાતિ મોરચાના ઉપાધ્યક્ષ ડો.દર્શના દેશમુખ,દક્ષા પટેલ,ભારતી તડવી,રાજપીપળા પાલિકા કોર્પોરેટર કિંજલ તડવી,ભારતી દેશમુખ,જ્યોતિ વસાવા,અલ્પા ભાટિયા,સરોજ તડવી,અરુણા માછી સહિત મોટી સંખ્યામાં મહિલાઓએ વિરજી ઠુમર અને કોંગ્રેસ વિરુધ્ધ ભારે સૂત્રોચ્ચાર કર્યા હતા.અને વિરજી ઠુમરના પૂતળાને જુતાનો હાર પહેરાવી જુતા મારી પૂતળાનું દહન કર્યું હતું.