Tapi mitra News:સુરતના ડિંડોલી વિસ્તારમાં લોકડાઉન દરમિયાન ગતસાંજે એક મકાનના ધાબા ઉપર જુગાર રમતા પાંચ વ્યક્તિને પોલીસે ઝડપી લીધા હતા. જયારે કાપોદ્રા વિસ્તારમાં લોકડાઉન દરમિયાન સમય પસાર કરવા સોસાયટીની શેરીમાં પત્તા રમતા બે વૃદ્ધ સહિત પાંચને પોલીસે ઝડપી લીધા હતા. ડિંડોલી પોલીસ ગતસાંજે લોકડાઉનના અમલ માટે પેટ્રોલીંગમાં હતી ત્યારે મળેલી બાતમીના આધારે સાંઈદર્શન સોસાયટી ઘર નં.જી/૧૩૦ ના ખુલ્લા ધાબા ઉપર છાપો મારી ત્યાં જુગાર રમતા હિતેશ રાજેન્દ્ર પાટીલ , સતવેન્દ્રસિંગ હરદતસિંગ કાપસે , ભગવાન દત્તુ પાટીલ , દિલીપ તિલકચંદ પાટીલ અને સુખદેવ લોટન પાટીલને ઝડપી પાડી તેમની પાસેથી રોકડા રૂ.૯૧૦ કબ્જે કરી કાર્યવાહી હાથ ધરી હતી. આ તરફ કાપોદ્રા પોલીસે ગતરાત્રે ૧૦ વાગ્યે રચના સોસાયટી મેઈન શેરીમાં લોકડાઉન દરમિયાન સમય પસાર કરવા માટે સોશ્યલ ડિસ્ટન્સનો અમલ કર્યા વિના તેમજ માસ્ક પહેર્યા વિના પત્તા રમતા નિવૃત્ત જીવન ગાળતા મૂળ અમરેલીના અને રચના સોસાયટી ઘર નં.૧૪૮ માં રહેતા ૬૯ વર્ષીય રવજીભાઈ ભુરાભાઈ વાડદોરીયા, રત્નકલાકાર મૂળ અમરેલીના અને રચના સોસાયટી ઘર નં.૧૫૦ માં રહેતા ૫૮ વર્ષીય લાભુભાઈ જીવરાજભાઈ રાણપરીયા , એમ્બ્રોઇડરીનું કામ કરતા મૂળ ભાવનગરના અને રચના સોસાયટી ઘર નં.૨૯૩ માં રહેતા ૩૫ વર્ષીય લલીતભાઈ ભગવાનભાઇ અવૈયા , એમ્બ્રોઇડરીનું કામ કરતા મૂળ ભાવનગરના અને રચના સોસાયટી ઘર નં.૩૨૮ માં રહેતા ૩૦ વર્ષીય સતિષભાઈ હિંમતભાઇ માવાણી અને રત્નકલાકાર મૂળ અમરેલીના અને રચના સોસાયટી ઘર નં.૨૭૩ માં રહેતા ૨૬ વર્ષીય મનોજ હસમુખભાઈ ડોબરીયાને ઝડપી પાડીતેમના વિરુદ્ધ ગુનો નોંધી ધરપકડ કરી કાર્યવાહી હાથ ધરી હતી.