Tapi mitra News:રાજ્ય સરકાર દ્વારા સુજલામ સુફલામ જળ અભિયાન-૨૦૨૦ હેઠળ જળ સંચય જળ સંગ્રહના કામો હાથ ધરવામાં આવ્યા છે. સુજલામ સુફલામ જળ અભિયાન હેઠળ વર્ષ ૨૦૧૮ અને ૨૦૧૯ માં મળેલ સફળતા બાદ કોરોના સંકટ વચ્ચે પણ ચાલુ વર્ષે સરકારે આ અભિયાન હાથ ધર્યું છે. જિલ્લા કલેકટર શ્રી આર્દ્રા અગ્રવાલ માર્ગદર્શન હેઠળ નવસારી જિલ્લામાં સુજલામ સુફલામ જળ અભિયાન હેઠળ રૂ.૨૬૨ લાખના ખર્ચે જળ સંચય જળ સંગ્રહના ૩૫ જેટલા કામો હાથ ધરવામાં  આવ્યા છે. આ અભિયાન હેઠળ નવસારી જિલ્લામાં ૩૫ તળાવ ઊંડા કરવાના અને ૧ ડ્રેઇન સાફ સફાઈ કરવાના કામો શરૂ કરવામાં આવ્યા છે. જિલ્લામાં તબક્કાવાર વધુ કામો શરૂ કરવાનું આયોજન કરવામાં આવ્યું છે.  જિલ્લામાં જળ સંચય જળ સંગ્રહના કામો હાથ ધરાતા જળ સંચય થતાં  ભૂગર્ભ જળના તળ ઉંચા આવશે જેનો સીધો ફાયદો ખેડૂતોને થશે.