Tapi mitra News-નવસારી જિલ્લા માહિતી કચેરીના વાહન ચાલક શ્રી આર.વી.શાહને આજરોજ નવસારી માહિતી કચેરી ખાતે વય નિવૃત થતાં વિદાયમાન આપવામાં આવ્યું હતું. જિલ્લા માહિતી કચેરીના કર્મચારીઓઍ શ્રી આર.વી.શાહની પ્રમાણીકતા, કર્મશીલતા અને ખંતપુર્વકની સેવાને કર્મયોગીઓ માટે પથદર્શક બતાવી હતી. આ પ્રસંગે નવસારી જિલ્લા માહિતી કચેરીના સહાયક માહિતી નિયામક શ્રી આર.ઍ.જેઠવાઍ જણાવ્યું હતું કે શ્રી શાહે હંમેશા ખંતપુર્વક નોકરી કરી છે. તેમની કામગીરી સરાહનીય રહી છે. શ્રી આર.વી.શાહનું નિવૃતિ પછીનું જીવન સુખમય અને નિરોગી રહે તેવી શુભેચ્છા આપી હતી. શ્રી શાહને સાકર, શ્રીફળ સાથે શાલ ઓઢાડી સમગ્ર સ્ટાફે શુભકામનાઓ આપી હતી. આ અવસરે, શ્રી ડી.બી.માહલા, શ્રી અંકિત ખૈરનાર, શ્રી મેહુલ રાઠોડે શ્રી શાહભાઇની સેવાને બિરદાવી હતી. નવસારી માહિતી પરિવારે આપેલા અદકેરા વિદાયમાનથી ભાવુક થઇ શ્રી આર.વી.શાહે જણાવ્યું હતું કે નવસારીમાં તેમની સેવા યાદગાર રહી છે. કર્મચારી- અધિકારી દ્વારા માન સન્માન પ્રેમભાવ મળ્યા છે. નસવાડીથી સેવાનો પ્રાંરભ કરી ૨૯ વર્ષ સુધી સરકારની સેવા કરવાની તક મળી તે અંગે સંતોષની લાગણી વ્યકત કરી હતી. નસવાડી, મહેસાણા અને ગોધરા ખાતેની સેવાના પણ સંસ્મરણો વ્યકત કર્યા હતા.