તાપીમિત્ર ન્યુઝ,ડોલવણ:ડોલવણના વાંકલા ગામે લાકડાના સપાટા મારી ૫૫ વર્ષીય આધેડની હત્યા કરવામાં આવતા બનેલી ઘટના થી સમગ્ર પંથકમાં ચકચાર મચી જવા પામી છે.ઘટના અંગે પોલીસને જાણ થતાં ઘટના સ્થળ પર દોડી આવી હતી.બનાવ અંગે પોલીસે હત્યા કરનાર શખ્સ વિરુધ્ધ ગુન્હો દાખલ કરી વધુ તપાસ હાથ ધરી છે. મળતી માહિતી મુજબ તા.૧૮મી મે નારોજ,ડોલવણ તાલુકાના વાંકલા ગામના કોટવાડીયા ફળિયામાં રહેતા ગોવિંદભાઈ મણીલાલભાઈ ગામીત(ઉ.વ.૫૫)નાઓ ગામ માંજ કોટવાડીયા ફળિયામાં રહેતા અમ્રતભાઈ કોટવાડીયાના ઘરે બેસેવા માટે ગયા હતા.તે વખતે અશોકભાઈ ગામીત નામનો શખ્સ ત્યા આગળ આવી ગમે તેમ નાલાયક ગાળો બોલવા લાગતા ગોવિંદભાઇ ગામીત પોતાના ઘરે પરત આવતા હતા તે વખતે રસ્તા માં પાછો ઝગડો કરી લાકડા વડે માથાના ભાગે સપાટા મારી ઇજા પહોંચાડી ગોવિંદભાઇ મણીલાલભાઈ ગામીતનું મોત નિપજાવ્યું હતું.બનાવ અંગે સ્નેહલભાઈ ઇશ્વરભાઈ ગામીત રહે,વાંકાલા ગામ નીચલું ફળિયું-ડોલવણ નાઓએ અશોકભાઇ મોતિરામભાઈ ગામીત વિરૂધ્ધ ડોલવણ પોલીસ મથકે ફરિયાદ કરી હતી જેમની ફરિયાદને આધારે ઇપીકો કલમ ૩૦૨,૫૦૪ મુજબ ગુન્હો દાખલ કરી આગળની વધુ તપાસ PSI એ.ડી.ખાંટ કરી રહ્યા છે.