તાપીમિત્ર ન્યુઝ,વાલોડ:બાજીપુરા-મઢી માર્ગ પર આવતું સ્યાદલા ગામ પાસે અજાણ્યા વાહનની અડફેટમાં ૪૮ વર્ષીય શખ્સનું સારવાર દરમિયાન મોત નીપજ્યું હોવાની ફરિયાદ ૧૦મે નારોજ પોલીસ મથકે નોધાઇ છે.વાલોડ પોલીસે ફરિયાદને આધારે અજાણ્યા વાહન ચાલક સામે ગુન્હો દાખલ કરી વધુ તપાસ હાથ ધરી છે. મળતી માહિતી મુજબ તા.૭મે નારોજ રાત્રે આશરે ૮:૦૦ કલાકના અરસામાં,બાજીપુરા થી મઢી તરફ જતા માર્ગ પર આવતું સ્યાદલા ગામની સીમમાં કોઈ અજાણ્યા વાહન ચાલકે પોતાનું તાબાનું વાહન પુરપાટ ઝડપે અને ગફલત ભરી રીતે હંકારી લાવી સાયકલ સવાર ધનસુખભાઈ ભાણાભાઈ હળપતી રહે,સ્યાદલા-નવાગાળા ફળિયું-વાલોડ નાઓને ટક્કર મારી નીચે પાડી દેતા શરીરે ઓછીવત્તી તેમજ આંતરિક ગંભીર ઈજાઓ પહોંચતા સારવાર હેઠળ ખસેડવામાં આવ્યો હતા.જેમનું સારવાર દરમિયાન મોત નીપજ્યું હતું.બનાવ અંગે  ફરાર અજાણ્યા વાહન ચાલક વિરૂધ્ધ પિયુષભાઈ ધનસુખભાઈ હળપતિનાઓએ તા.૧૦મે ૨૦૧૮ નારોજ વાલોડ પોલીસ મથકે ફરિયાદ કરી હતી.જેના આધારે અજાણ્યા વાહન ચાલક વિરૂધ્ધ વાલોડ પોલીસ મથકે ગુન્હો દાખલ કરવામાં આવ્યો હતો.બનાવ અંગે આગળની વધુ તપાસ પીએસઆઈ એ.ડી.ખાંટ કરી રહ્યા છે.