તાપીમિત્ર ન્યુઝ,વ્યારા:વ્યારાના તાડકુવા ગામ માંથી ઈંગ્લીશ દારૂના જથ્થા સાથે એક મહિલા બુટલેગરને કાકરાપાર પોલીસે ઝડપી પાડી કાયદેસરની કાર્યવાહી હાથ ધરવામાં આવી હતી.જેમાં પોલીસે ૩૩,૬૦૦/- રૂપિયાનો વિદેશી દારૂનો જથ્થો જપ્ત કર્યો છે.

મળતી માહિતી અનુસાર તા.૧૦મે નારોજ રાત્રે આશરે ૯:૦૦ કલાકના અરસામાં વ્યારા તાલુકાના તાડ્કુવા ગામે આવેલ ડુંગરી ફળીયામાં રહેતી જયશ્રીબેન સુરેશભાઈ ગામીતના ઘરના બાજુમાં આવેલ કાચા ઘરમાં સંતાડી રાખવામાં આવેલ ઈગ્લીશ દારૂના જથ્થા સાથે મહિલા બુટલેગરને કાકરાપાર પોલીસે ઝડપી પાડ્યો હતો.જેમાં વિસ્કી અને બિયરની નાની-મોટી બાટલીઓ તથા ટીન નંગ-૨૭૬ મળી કુલ રૂપિયા ૩૩,૬૦૦/-નો મુદ્દામાલ જપ્ત કરવામાં આવ્યો હતો.બનાવ અંગે અહેકો અમિતભાઈ સન્મુખભાઈનાઓએ ફરિયાદ કરી હતી જેના આધારે આગળની વધુ તપાસ પીએસઆઈ પી.બી.પટેલિયા નાઓએ હાથ ધરી છે.