તાપી જીલ્લાના માત્ર વ્યારામાં આજરોજ કોરોના પોઝીટીવના નવા 2 કેસ મળી આવ્યા છે. જેને લઇ આરોગ્ય વિભાગ દોડતું થઇ ગયું હતું.જીલ્લા આરોગ્ય અધિકારી ડો.હર્ષદભાઈ પટેલના જણાવ્યા અનુસાર તા.30મી જાન્યુઆરી નારોજ વ્યારાના નવા બસ સ્ટેશન પાસે આવેલ રોયલ એન્કલેવમાં 45 વર્ષીય પુરૂષ અને 23 વર્ષીય પુરૂષ મળી કુલ 2 લોકોના કોરોના ટેસ્ટ પોઝીટીવ આવ્યો છે.

જીલ્લામાં આજદિન સુધી કોરોના પોઝીટીવ દર્દીઓના કુલ 890 કેસો નોંધાયા છે, આજરોજ વધુ 1 દર્દી સાજો થતા રજા આપવામાં આવી છે, અત્યાર સુધી કુલ 847 દર્દીઓ સાજા થયા છે, કોરોનાની સારવાર દરમિયાન કુલ 41 દર્દીઓના મોત નીપજ્યા છે, કોરોના ટેસ્ટ માટે 321 સેમ્પલ લેવામાં આવ્યા છે. જીલ્લામાં માત્ર 3 કેસ એક્ટીવ છે.