તાપીમિત્ર ન્યુઝ,વ્યારા:સોનગઢ-જે.કે.પેપર મિલ પાસે આવેલ એક ટાયરની દુકાન પાસે જાહેરમાં ગંજી પાના-પત્તાનો જુગાર રમતા સોનગઢના પાંચ જેટલા ઇસમોને તાપી એલીસીબી પોલીસે રૂપિયા ૨૪,૪૫૦/- ના મુદ્દામાલ સાથે ઝડપી ઝડપી પાડ્યા હતા.બનાવ અંગે પોલીસ દ્વારા કાયદેસરની કાર્યવાહી હાથ ધરવામાં આવી હતી. મળતી માહિતી અનુસાર તા.૧૧મે નારોજ બપોરે,સોનગઢ-જે.કે.પેપર મિલ પાસે નઈમ ટાયર નામની એક દુકાન પાસે જાહેરમાં ગંજી પાનાં-પત્તા વડે પૈસા વતી હારજીતનો જુગાર રમી રમાડતા પાંચ જેટલા ઈસમોને જીલ્લા એલસીબી પોલીસે ઝડપી પાડ્યા હતા.ઝડપાયેલા ઈસમોની અંગ ઝડતી તથા દાવ પરના મળી કુલ રોકડા રૂપિયા ૨૦,૪૫૦/- તથા મોબાઈલ ફોન નંગ-૪,કિંમત રૂપિયા ૪,૦૦૦/- મળી કુલ રૂપિયા ૨૪,૪૫૦/-નો મુદ્દામાલ જપ્ત કરવામાં આવ્યો હતો.બનાવ અંગે અહેકો લેબજીભાઈ પરબતજીભાઈ (બ.નં -૬૮૦)નાઓએ સોનગઢ પોલીસ મથકે ફરિયાદ કરી હતી જેના આધારે જુગારધારાની કલમ 12(અ) મુજબ ગુન્હો દાખલ કરી આગળની વધુ તપાસ અહેકો તેજપાલ ધનસિંહ કરી રહ્યા છે.   high light-જુગાર રમતા ઝડપાયેલા ઈસમો:

(૧)કરીમ ગમીર કાકર રહે,પોસ્ટ ઓફીસ સામે,ઇસ્લામપુરા-સોનગઢ  (૨)અકબર બાબુભાઈ શેખ રહે,પોસ્ટ ઓફીસ સામે,ઇસ્લામપુરા-સોનગઢ (૩)સલીમ હારુન મન્સૂરી રહે,મુસ્લિમ ફળિયું-સોનગઢ (૪)રમજુ માસુમ પટેલ રહે,ઇસ્લામપુરા ટેકરા-સોનગઢ (૫)ભીખન સલીમ કાકર રહે,ઇસ્લામપુરા ટેકરા-સોનગઢ